Bæjarlind 7-9

Fjölbýlishús með 42 íbúðum í landi Glaðheima í Kópavogi.

Markmið hönnunarinnar var að skapa einstaka, metnaðarfulla umgjörð með sterka ímynd og vera um leið áberandi kennileiti inn í hið nýja hverfi.

Húsin eru brotin upp í einingar sem gefa þeim sérstakt yfirbragð og gefa tóninn er kemur að þéttleika byggðar samkvæmt hugmyndum að skipulagi svæðisins. Fjölbreytilegar einingar innan bygginganna verða eins og sjálfstæðir húsahlutar innan byggingarheildarinnar.

Byggingarnar eru í raun fjölbreytt flóra eininga sem fléttast saman og skapar þannig heildstæðan byggingarmassa.

Íbúðir eru bjartar og rúmgóðar og eru af ýmsum stærðum og gerðum. Flestar eru með suðursvalir. Með víxlun massa og fléttusamsetningu skapast gott næði á svölunum fyrir íbúa.

Í kjallara er bifreiðageymsla ásamt annarri sameign og geymslum íbúa. Þá eru þar einnig sorpgeymslur þar sem aðstaða er fyrir flokkun heimilissorps.

Komið er upp úr kjallara um lyftuhús viðkomandi stigagangs. Húsin eru steinsteypt og klædd veðurkápu úr viðhaldsfríu efni.